Abuzimi me hidrokarburet
15/11/2013 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Ministria e Energjitikës harton një rregullore të re që synon të luftojë rastet e abuzimit të konçensionarëve në fushën e hidrokarbureve. Ministri i Energjitikës, Damian Gjiknuri thotë se kjo rregullore do të forcojë monitorimin e shtetit në këtë sektor.
“Këto marrëveshje në të shkuarën janë shoqëruar me praktika korruptive. Të dhënat nuk janë respektuar. Diskutojmë këtë projekt-rregullore që vendos shtratin ligjor, që bën të mundur një mbikëqyrje më të mirë nga ana e shtetit, që forcon kapacitetet teknike dhe shkencore, bën normimin e shpenzimeve financiare për t’i dhënë fund abuzimeve me rritje të shpenzimeve të pajustifikuara që i kanë bërë këto marrëveshje pa fitim”, deklaroi Gjiknuri.
Rregullorja e diskutuar në takimin me përfaqësues të kompanive që operojnë në fushën e kërkimit dhe prodhimit të hidrokarbureve zgjeron hapësirën e monitorimit duke shtuar aktorët në proces, përfshirë Ministrinë e Energjitikës dhe Financave.
Krahas rritjes së sigurisë dhe parandalimit të ngjarjeve të pakontrolluara, rregullorja detyron organet shtetërore në sektorin fiskal të garantojnë interesat e shtetit gjatë këtij aktiviteti.
Top Channel
