Zgjatimi i bulevardit “Zhan D’Ark” dhe “Bajram Curri”

Blloku i banimit ku kalon kjo rrugë është populluar vitet e fundit duke bërë që të jetë e nevojshme lidhja domosdoshmërinë e vazhdimit të këtij segmenti që ndërpritet.

Në muajin qershor në këtë rrugë filluan punimet midis një bashkëpunimi të Minitrisë së Transportit dhe bashkisë së kryeqytetit, ku ishte parashikuar rehabilitimi i lumit dhe rehabilitimi i segmenteve rrugore të cilat do të lidhen me Unazën e Madhe.

Krahas domosdoshmërisë për lehtësimin e trafikut, një nga problemet që shfaqet aktualisht në këtë bllok banimi është ndotja e akumuluar përgjatë gjithë anës së lumit të Lanës.

Dy segmentet e Bulevardit “Zhan D’Ark” dhe bulevardi “Bajram Curri” do të bëjnë lidhjen e qytetit me pjesën jugore të Unazës së Madhe. Ndërsa qytetarët janë në pritje të rifillimit të punimeve në këtë rrugë, ata janë mjaft të rrezikuar nga ndotja e krijuar.

Pamjet tregojnë qartë që situata këtu është mjaft kritike dhe e rrezikshme për moshat e vogla, që ekspozohen lehtë ndaj ndotjeve urbane.

Top Channel