Siri, luftime të ashpra në Damask
12/11/2013 21:35
Sulmi tragjik në aeroportin e Kabulit, 8 republikanë kërkojnë shpjegime nga sekretari amerikan i mbrojtjes: Ka mospërputhje në raport për të shtënat me armë 08/05 13:58
Luftime të ashpra janë duke u zhvilluar në rrethinat e Damaskut, pasi forcat qeveritare po vazhdojnë mësymjen e tyre mbi lagjet e kontrolluara prej kryengritësve.
Sipas raportimeve të mediave ndërkombëtare, përleshjet janë përqendruar këtë të martë në periferinë e Haxhirës.
Gjatë javës së shkuar, ushtria e rregullt riktheu në zotërimin e saj qytezën e Sbeinehut, një prej pikave më të rëndësishme strategjike pranë Damaskut në duart e rebelëve.
Televizioni Shtetëror Sirian gjithashtu raportoi se disa lagje të tjera të kryeqytetit janë goditur nga predhat e mortajave.
Të paktën 16 persona mbetën të plagosur si rrjedhojë e goditjes nga copëzat e predhave të mortajës gjatë ditës, ndërsa të hënën, katër fëmijë dhe mësuesi i tyre u vranë kur një predhë goditi shkollën në lagjen e krishterë të Bab Sharqit.
Lufta civile e nisur në Mars 2011 i ka marrë jetën mbi 110 mijë sirianëve deri më tani.
Top Channel
