Deputeti francez qëllohet me thikë
11/11/2013 15:25
Rritet trysnia ndaj kryeministrit Netanjahu mbi planet për Gazën e pasluftës 17/05 16:38
Një deputet i Parlamentit Francez u qëllua me thikë në një qytezë pranë Marsejës, gjatë një ceremonie përkujtimore ndaj të rënëve të Luftës së Parë Botërore.
Bernard Reynes, një deputet i krahinës së Bouches-de-Rhones u sulmua përpara një varreze të dëshmorëve në Chateaurenard, ku kryen gjithashtu edhe funksionin e kryetarit të bashkisë.
Dy politikanë të tjerë morën plagë të lehta, përpara se agresori të arrestohej.
11 Nëntori është data në të cilën përfundoi Lufta e Parë Botërore, në vitin 1918.
Sipas të përditshmes “Le Figaro”, personi që kreu këtë sulm kishte probleme mendore. Ai besohet të jetë rreth 30 vjeç.
Reynes, një deputet i të djathtës së UMP-së në opozitë, ndodhet duke u trajtuar në një spital, ku është deklaruar jashtë rrezikut për jetën.
Top Channel
Top Channel/ Mbajti peng fëmijët, dëshmia e Aleks Markut në Gjykatë: Qëllova se u ndjeva i kërcënuar
Top Channel/ “Po goditen kokat e krimit”, Ministri Balla nga Madridi ka komentuar operacionin e SPAK
