Schweinsteiger do të operohet në kavilje
08/11/2013 00:00
SHBA çon në 4 numrin e shteteve të kualifikuara, që nuk i lejohet të hyjnë në Amerikë, as për Botërorin 16/12 23:21
Lajm i keq për Bayern Munchen. Bastian Schweinsteiger do të operohet në kavilje dhe do të qëndrojë disa muaj jashtë fushave të lojës.
Mesfushori i bavarezëve dhe kombëtares gjermane ishte operuar më parë në kavilje dhe duket se rezultati nuk ka qenë i kënaqshëm.
“Javët e fundit kanë qenë shumë të vështira. Jam munduar të luaj, por operacioni është zgjidhja e vetme. Shpresoj që pas kësaj ndërhyrjeje të luaj pa dhimbje”, lexohet në një komunikatë të lojtarit.
Bayern Munchen ka pasur shumë probleme me dëmtimet këtë sezon: Javi Martinez, Arjen Robben, Xherdan Shaqiri, Thiago Alcantara dhe në fund Bastian Schweinsteiger. Pavarësisht kësaj, skuadra ka arritur 9 fitore dhe 2 barazime në 11 ndeshjet e para të Bundesligës.
Edhe më mirë në Champions League, ku Bayern është kualifikuar në fazën tjetër pas 4 fitoreve në 4 ndeshjet e para të grupit.
Top Channel
