Në ’83 për pak shpërtheu lufta bërthamore
06/11/2013 00:00
Doli hapur kundër qeverisë në këngët e tij, dënohet me vdekje reperi iranian! U torturua dhe u izolua për 252 ditë 26/04 08:55
Në vitin 1983 bota ka qenë në prag të luftës bërthamore për shkak të një stërvitjeje të NATO-s të udhëhequr nga Amerika dhe Britania, që për pak shkaktoi reagimin e Bashkimit Sovietik.
Historia është zbuluar nga disa dokumente, dikur sekrete, por të publikuara së fundi nga britanikja “The Observer”.
Në nëntor të vitit 1983, Shtetet e Bashkuara së bashku me aleatët e NATO-s hartuan një platformë të tipit “War Games”, ose një seri stërvitjesh të koduara me emrin “Operacioni: Able Archer”.
Këto stërvitje rezultuan aq realiste për shkak të numrit të madh të trupave dhe mjeteve luftarake që u angazhuan, saqë çuan rusët të mendonin se sulmi ndaj tyre ishte një fakt i kryer dhe të përgatisnin një reagim, që duke marrë parasysh tensionet e atyre viteve, mund të kishte shkaktuar luftën bërthamore. Për fat të mirë, alarmi u tërhoq.
Shërbimet sekrete perëndimore arritën të zbulonin synimet e Moskës. Megjithatë, edhe pasi u shmang rreziku, kryeministrja e atëhershme britanike Margaret Thatcher angazhoi diplomatët e saj që të bënin presion mbi aleatët amerikanë, që të shmangin përsëritjen e këtij gabimi në të ardhmen.
Top Channel
