SHBA: Asnjë tolerim për Snowden
04/11/2013 15:10
Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Shtetet e Bashkuara të Amerikës janë të vendosura që të mos tolerojnë me Edward Snowden, i shumëkërkuari nga drejtësia amerikane për spiunazh, pasi njoftoi botën për programin e shumëpërfolur të përgjimeve telefonike dhe kibernetike.
“Snowden shkeli ligjin amerikan. Ai duhet të rikthehet në vend për t’u përballur me drejtësinë”, deklaroi këshilltari i Shtëpisë së bardhë, Dan Pfeiffer.
Javën e kaluar, Snowden kërkoi ndihmë ndërkombëtare për të bindur Uashingtonin që të tërhiqet nga akuzat e ngritura ndaj atij, në një letër dorëzuar një ligjvënësi gjerman.
30-vjeçari, ish-punonjës i CIA-s dhe NSA-së ndodhet aktualisht në Rusi, ku i është akorduar statusi i përkohshëm i azilantit politik.
Në një lëvizje të papritur diplomatike gjatë javës së shkuar, një deputet gjerman udhëtoi në Moskë ku u takua me Snowden dhe i shprehu atij gatishmërinë e Berlinit për t’u angazhuar në bisedime direkte me të në lidhje me programin e përgjimeve.
Marrëdhëniet e Gjermanisë me SHBA-në janë dëmtuar ndjeshëm nga skandali i demaskuar fale ndihmes se Snowden, pasi u mësua që midis të tjerave, Uashingtoni kishte përgjuar edhe celularin privat të kancelares Merkel.
Top Channel
