Range Rover ka nxjerrë në treg makinën më të shtrenjtë të historisë së markës britanike Land Rover. Makina do të kushtojë plot 140 mijë sterlina dhe i drejtohet një target-grupi të caktuar personash: familjes mbretërore, VIP-ave të Hollivudit apo sportistëve më të paguar të planetit.
Makina e re që quhet Autobiography Black ka sedilje të veshura me lëkurë të shtrenjtë, ftohës shampanje dhe shumë aksesorë të tjerë.
Një zëdhënës i Land Rover tha: “Kjo makinë do të jetë Range Rover-i më i shtrenjtë dhe luksoz që është prodhuar ndonjëherë.”
Motorri V8 bën që kjo makinë të arrijë shpejtësinë 96.5 km/h në 5.5 sekonda, ndërsa shpejtësia maksimale shkon deri në 225 km/h.
Range Rover Autobiography Black do të debutojë në Panairin Ndërkombëtar të Dubait më 5 nëntor.
Top Channel
