Rihannën e përzënë nga xhamia
21/10/2013 16:30
Mërkuri në retrogradë do të ketë më pak ndikim vetëm në këto 3 shenja 27/11 08:42
Rihannës iu kërkua që të largohej nga ambientet përreth xhamisë më të madhe të Abu Dhabit, pas disa pozave të papërshtatshme dhe të paautorizuara që realizoi përpara objektit të kultit.
Ndonëse 25-vjeçarja vendosi një perçe gjatë një shfaqje në Emirate dhe vizitoi pjesërisht e mbuluar xhaminë, kjo nuk mjaftoi për të shmangur përzënien e saj nga stafi i xhamisë “Sheikh Zayed”, në gjendje për të pritur njëkohësisht deri 40 mijë besimtarë.
Pavarësisht se iu kërkua që të largohej, Rihanna arriti të shkrepte disa foto të cilat i publikoi gjatë së hënës në rrjetin e saj në “Instagram”.
Ndërkohë, ndonëse pa përmendur emra, xhamia publikoi një deklaratë për shtyp në të cilën dënoi sjelljen e 25-vjeçares.
“Në lidhje me incidentin e fundit në të cilin është përfshirë një këngëtare, stafi i “Sheikh Zayed” kërkon të kujtojë se sjellja në një mënyrë që cënon rregullat e kodit moral të sjelljes përpara xhamisë, si marrja e pozave të papërshtatshme apo jashtë kontekstit të këtij vendi të shenjtë, e folura me zë të lartë apo konsumi i ushqimeve përbëjnë shkelje që cënojnë mënyrën e sjellshme, të civilizuar dhe tolerante që mëson islami”, shkruhej në deklaratë.
Top Channel
