Hollande: Leonarda mund të kthehet, por…

Por nga ana tjetër Hollande ka shtuar se nëse vajza do të bëjë kërkesë, atëherë e drejta e qëndrimit në Francë do t’i jepet vetëm asaj dhe jo gjithë familjes së saj.

Në këtë mënyrë presidenti francez ka vlerësuar si korrekte proçedurën e dëbimit të familjes Dibrani drejt Kosovës. Menjëherë ka reaguar 15-vjeçarja, që e ka refuzuar ftesën: “Nuk kthehem në Francë vetëm. Nuk do ta braktis familjen time”.

Leonarda u arrestua gjatë një ekskursioni me klasën e saj dhe u dërgua në Kosovë bashkë me familjen e saj më 9 tetor.
Dy ditë më parë të paktën 6 mijë nxënës francezë zbritën në sheshin e Parisit, siç raporton edhe sindikata e gjimnazeve të Francës, duke kërkuar kthimin në Francë të vajzës kosovare.

Dhjetëra shkolla në të gjithë vendin u shndërruan në vend protestash dhe në disa prej tyre u ndalua të zhvillohej mësimi. Përveç kthimit të 15-vjeçares, nxënësit kërkonin kthimin në Francë edhe të armenit Katcik Kacatrian, një 19-vjeçar i dëbuar të shtunën e kaluar, i cili kishte jetuar në Francë prej vitit 2011.

Ajo që zemëroi më shumë organizatat e të drejtave të njeriut ishte mënyra e ndalimit të 15-vjeçares, e cila u mor me forcë nga autobusi i shkollës që frekuentonte prej 3 vitesh, në sytë e bashkëmoshatarëve të saj.

Top Channel