F1, Alonso: Titullin e humbëm në korrik
15/10/2013 00:00
VIDEO/ Super Jasir Asani! Pas Championsit Aziatik, sulmuesi i Kombëtares shënon dhe në kampionat 06/10 12:01
Fernando Alonso mendon se Ferrari e humbi betejën për titullin kampion në muajin korrik, kur paketa me të reja që sollën teknikët e “Kokëkuqes” nuk dha rezultatet e pritura.
“Mendoj se problemi ishte zhvillimi që i bëmë njëvendëshes. U munduam të përshtateshim me gomat dhe nuk bëmë hapat përpara që kishim parashikuar. Paketa e të rejave ishte shumë e mirë në letër, por nuk dha rezultatet e dëshiruara në pistë”, tha piloti spanjoll për ‘Autosport’.
Alonso iu rikthye sërish çështjes së gomave Pirelli: “Është e qartë që disa ekipe humbën rendiment kur Pirelli vendosi të ndryshonte gomat, ndërsa të tjerë e rritën rendimentin. Rasti më i qartë është ai i Sauberit. Por, Pirelli duhej t’i ndryshonte gomat pasi pati shumë çarje të tyre gjatë garës dhe nuk ishte një vendim për të favorizuar ndonjë skuderi të caktuar.”
Top Channel
