Mali i Zi miraton paradën gay

Parada do të mbahet në Podgoricë dhe përgatitjet kanë kohë që janë realizuar, por aktiviteti mbahej peng i lejes së policisë, e cila duhet të përcaktonte në ishte në gjendje që të ruante rendin përballë kërcënimit të dhunimit të anëtarëve të paradës prej grupeve ekstremiste.

Pritet që ditën e paradës Podgorica të jetë i blinduar nga forca të shumta policie, për të siguruar mbarëvajtjen e paradës së parë gay në kryeqytetin e fqinjit tonë veriperëndimor.

Përveç policisë së shtetit, e përditshmja “Vijesti” bën me dije se për garantimin e rendit do të përfshihen edhe njësitë anti-terror dhe forcat speciale.

“Policia do të veprojë në bazë të juridiksionit të saj për të garantuar zhvillimin e paqtë të paradës homoseksuale, e cila duhet konsideruar si një aktivitet shumë i rëndësishëm në fushëm e tolerancës, gjatë të cilit shumë aktorë të jetës sociale do të japin mesazhe pozitive”, deklaroi ministri i brendshëm, Rasko Konjeviç.

Parada e parë gay në Malin e Zi u realizua në dtën 24 korrik në qytetin e Budvës, por përfundoi me përleshje që lanë disa të plagosur midis forcave të policisë dhe elementëve homofobë që sulmuan paradën.

Së fundmi, kryetari i shoqatës LGBT në Malin e Zi, Zdravko Cimbaljeviç, paraqiti dorëheqjen nga pozicioni i tij, duke argumentuar vendimin me kërcënimet e përditshme që i bëheshin jetës së tij.

Top Channel