Itali, dorëhiqen ministrat e Berlusconit
28/09/2013 00:00
Anglia miraton ligjin për dëbimet/ Kryeministri: Emigrantët e parë në Ruanda do t’i dërgojmë në qershor 23/04 12:06
Ministrat nga partia e ish-kryeministrit Silvio Berlusconi kanë dhënë dorëheqjen nga postet përkatëse, duke i dhënë një goditje të rëndë situatës politike në Itali.
Kryeministri Enrico Letta u kthye nga Nju Jorku të premten në përpjekje për të parandaluar rënien e koalicionit qeverisës, por pa ia arritur qëllimit.
Partia e zotit Berlusconi, Populli i Lirisë, kundërshton planet e qeverisë Letta për rritjen e taksave.
Deputetët e tij kishin kërcënuar më herët me dorëheqje nëse komiteti i Senatit do të votonte javën e ardhshme për dëbimin e ish-kryeministrit, për shkak të procesit gjyqësor të tij.
Më herët gjatë ditës vetë Enrico Letta kërcënoi me dorëheqje nëse kabineti i tij qeverisës nuk do të merrte mbështetje të qartë në votimin parlamentar të kërkuar javën që vjen.
Paralajmërimi i kryeministrit italian erdhi pas dështimit të ekzekutivit për të aprovuar masat buxhetore kyçe.
Dorëheqja e ministrave të djathtë vjen pikërisht në kohën kur vendit i nevojitet dëshpërimisht qëndrueshmeri politike, për shkak të krizës financiare.
Top Channel
