Mes dhjetra personave që mbeten të bllokuar brenda qendrës tregtare “Westgate” në Nairobi të Kenias ishte edhe një familje britanike e përbërë nga tre persona, nëna Amber, vajza 6-vjeçare Amelie dhe vogëlushi i saj 4-vjeçar kurajoz, Elliot.
Themi kurajoz sepse me një qetësi të habitëshme, 4-vjeçari i vendosur përballë një prej terroristëve të armatosur që pak më parë i kishte plagosur të ëmën në këmbë, i kundërvihet atij duke i bërtitur: “Ti je një njeri shumë i keq!”.
Në mënyrë të pabesueshme, agresori që sic duket kuptonte anglisht, i vendosur përballë vogëlushit nuk tërheq këmbëzën e armës, por u afron dy fëmijëve nga një çokollatë dhe më pas i lë të lirë së bashku me nënë e tyre.
Familja britanike; vajza Amelie, djali Elliot dhe nena e tyre e plagosur ne kembe, Amber
Sulmi ndaj qendrës tregtare u mori jetën të paktën 65 persona dhe mbi 170 të tjerë janë plagosur. Autoritetet keniane njoftuan vetëm të martën se kishin vënë nën kontroll gjithë zonën. Sulmi u mor përsipër nga militantët e Al Shabab, grupi ekstremist me lidhje të forta me Al Kaedan që vepron në Somali.
Familja britanike e tronditur
Ky grup sulmoi qendrën tregtare si shenjë hakmarrjeje ndaj angazhimit të ushtarëve kenianë në Somali kundër luftëtarëve të këtij grupi.
Mes imazheve te kapura nga kamerat e sigurise eshte edhe ky qe tregon dy terroriste ne brendi te qendres tregtare
Top Channel
