Britani, çdo 2 min një i huaj merr pasaportën

Sipas këtyre shifrave i bie që një i huaj ose emigrant është bërë shtetas britanike në çdo 2 minuta e gjysmë, cka përbën ritmin më të lartë të dhënies së shtetësisë në historinë e këtij vendi.

Me marrjen e shtetësisë britanike, shtetasit e rinj trajtohen si cdo vendas dhe kanë të njejtin akses për ndihmat sociale për strehimin apo në tregun e punës.

Sir Andrew Green, kryetari i organizatës “Migrationëatch” thotë se afro 4 milionë emigrantë të huaj kanë mbërritur në Britani që nga vitit 1998 dhe gjysma e tyre tashmë janë bërë shtetas britanikë.

Këto shifra të Ministrisë së Brendshme, “Home Office”,  publikohen në një kohë kur konservatorët  po hasin vështirësi për vënien nën kontroll të luftës kundër emigracionit.

Nga këto shifra zyrtare kërkesat për shtetësi po miratohen më shpejt se në kulmin e politikës së dyereve të hapura të ish-qeverisë laburiste.

Ka tre mundesi për marrjen e shtetësisë në Britani. E para në bazë të kohës së qëndrimit, ku pas qëndrimit 5-vjecar merr lejen e përhershme të qendrimit dhe pas një viti aplikon për shtetesinë. E dyta përmes martesës me një shtetas britanik dhe e treta duke qenë fëmijë i një shtetasi britanik. Vetëm vitin e kaluar pati një rritje prej 14 përqindësh të dhënies së shtetësisë.

Ndërkohë Ministria e Brendshme thotë se “shtetësia britanike është privilegj dhe jo e drejtë. Ne po forcojmë kërkesat për mësimin e gjuhës, për natyralizmin dhe lejen e përhershme  dhe shifrat e fundit tregojnë se kërkesat për shtetësi po bien. Emigracioni është në nivelin më të ulët”.

Në mesin e atyre që kanë fituar dhe po fitojnë shtetësinë janë edhe shumë shqiptarë që plotësojnë kriteret.

Top Channel