BE, mision vëzhgues në Kosovë
20/09/2013 00:00
Dështon për herë të 42-të konstituimi i Kuvendit të Kosovës 05/07 21:43
Bashkimi Europian vendosi të dërgojë një mision të posaçëm për të vëzhguar zgjedhjet lokale në Kosovë.
Vendimi u publikua nga zyra e Përfaqësueses së Lartë, Catherine Ashton, e cila argumenton në një komunikatë për shtyp se një veprim i tillë ndërmerret në kuadër të dialogut të ndërmjetësuar nga BE mes Prishtinës dhe Beogradit.
“Misioni i vëzhgimit të BE-së synon të mbështesë Kosovën në mbajtjen e një procesi elektoral të drejtë dhe gjithëpërfshirës, meqënëse zgjedhjet lokale të 3 Nëntorit janë një element thelbësor i marrveshjes së 19 Prillit”, thotë Ashton.
Shefja e diplomacisë evropiane thekson se, vendimi për të dërguar një mision të tillë vjen si rezultat i një kërkimi që konfirmon se vëzhguesit e BE-së do të mirëpriten nga të gjitha palët e përfshira.
Më tej Ashton shprehet e bindur se kreu i delegacionit, eurodeputeti i majtë italian, Roberto Gualtieri, do të përmbushë qëllimin e këtij misioni në Kosovë.
Përgatiti: Arta Tozaj
Top Channel
