Të paktën gjashtë persona mbetën të vdekur dhe një numër i panjohur të tjerësh mbetën të plagosur, kur autobuzi me të cilin udhëtonin në Kanada u përplas me një tren në lëvizje.
Imazhet treguan se praktikisht, e gjitha pjesa e përparme e autobuzit ishte shkatërruar plotësisht nga impakti.
Aksidenti u regjistrua të mërkurën në kryeqytetin Otava, rreth orës 14:00 sipas orës shqiptare.
Një numër i madh automjetesh zjarrëfikëse, të ndihmës së shpejtë dhe autoambulanca ndodhen në vendngjarje.
Të gjithë viktimat ose të lënduarit ishin udhëtarë të autobuzit.
Bilanci përfundimtar i tragjedisë nuk është ende i njohur, pasi ngjarja është ende në zhvillim.
Top Channel
