SHBA, Kongresi, debati për buxhetin

Kërkesa e presidentit për diskutimin e sulmit të mundshëm në Siri i detyroi ligjvënësit të linin mënjanë të paktën për momentin çështjen e financimit të agjensive qeveritare dhe rritjen e tavanit të borxhit.

Por, koha nuk premton më. Nëse ata nuk do të miratonin një plan për shtyrjen e afatit për financimin e administrates, qeveria federale do të mbyllej më 1 tetor.

Po te mos rritet tavani i borxhit, Shtetet e Bashkuara rrezikojnë mospagimin e tij dhe uljen e vleresimit te kredimit.

“Disa dite me pare”, kujton “Zeri i Amerikes”, “presidenti Obama bëri të njohura përparësitë e tij fiskale. Ai tha se duhet trajtuar siç duhet buxheti federal, të shlyhen pagesat dhe të merren rrogat në kohë, në mënyrë që të ruhet besimi i plotë, si dhe niveli i kreditimit i Shteteve të Bashkuara”.

Por çfarë e pengon këtë? Një mosmarrëveshje ndërpartiake lidhur me sistemin shëndetësor të propozuar nga presidenti Obama.

Ky ligj synon t’u ofrojë sigurim shëndetësor amerikanëve që nuk e kanë atë. Ligji fillon të hyjë në fuqi më 1 tetor.

Republikanët, të cilët kontrollojnë Dhomën e Përfaqësuesve, thonë se nuk do të votojnë për projekt-buxhetin nëse prej tij nuk hiqen fondet e parashikuara për reformën shëndetësore.  

Demokratët, të cilët kanë freret e Senatit, zotohen se do të kundërshtojnë çdo ligj buxhetor që nuk përmban fonde për reformën shëndetësore.

Ligjvënësit republikanë janë përpjekur ta bllokojne ligjin që në fillimin e konceptimit të tij, më 2010.

Tani që pritet që ai të zbatohet, shumë vetë i shohin mosmarrëveshjet fiskale si shansin e fundit për të patur sukses në hedhjen poshtë të saj.

Top Channel