Uashington, atentat në bazën ushtarake
16/09/2013 00:00
Forcat izraelite sulmojnë një shkollë në Gaza, 15 palestinezë të vdekur dhe dhjetëra të plagosur 26/11 21:11
Të paktën 12 persona mbetën të vrarë dhe 4 të tjerë të plagosur rende, pas tre persona të armatosur me armë automatike hapën zjarr në një bazë ushtarake të marinës amerikane në Uashington.
Njeri nga atentatorët u qëllua për vdekje nga trupat policore ndersa dy te tjere jane shpallur ne kerkim.
Ata qëlluan në mënyrë joselektive mbi turmën e punonjësve gjatë mëngjesit të së hënës.
Atentatori i vrare u identifikua si një punonjës 50-vjeçar i bazës, i cili së fundmi kishte marrë një letër në të cilën informohej se “statusi i tij i punësimit” do të ndryshonte.
Identiteti i atentatoreve te tjere nuk eshte bere ende publik.
Megjithatë, njohja e 50-vjeçarit si një punonjës i bazës bën që të hetuesit të përqendrohen gjithmonë e më shumë tek pista e një hakmarrje personale dhe jo tek ajo e terrorizmit, e raportuar fillimisht nga disa media amerikane.
Midis të plagosurve, kater jane shoqeruar ne nje nga spitalet e Uashingtonit ne gjendje kritike per jeten.
Mbi tre mijë persona punojnë në komandën e bazës së marinës në fjalë, përfshi inxhinjerë dhe teknikë që kanë për detyrë të mirëmbajnë e riparojnë luftanijet dhe nëndetëset e bazës.
Top Channel
