Siri, al-Assad: Dorëzojmë armët kimike
12/09/2013 15:25
FOTOT/ Anglia nis “gjuetinë” për arrestimin e emigrantëve që do të çojë në Ruanda
01/05 15:55
Presidenti i Sirisë, Bashar al-Assad, në një intervistë të transmetuar
mesditën e së enjtes në një televizion rus pranoi për herë të parë
publikisht se është i gatshëm të vendosë arsenalin e armëve të tij
kimike nën kontrollin ndërkombëtar.
Assad përcaktoi për “Rossiya 24” se vendimi i tij për të pranuar këtë plan është mundësuar eksluzivisht si rrjedhojë e nismës ruse, e jo prej kërcënimeve amerikane të një ndërhyrje ushtarake.
Komentet e al-Assad erdhën ndërsa ministrat e jashtëm të Rusisë dhe SHBA-së janë përgatitur të mbajnë një takim përcaktues për të ardhmen e Sirisë në Gjenevë.
Shtetet e Bashkuara të Amerikës akuzojnë regjimin sirian për vrasjen e qindra civilëve, nëpërmjet një sulmi kimik të ndodhur në periferinë e Damaskut në datën 21 gusht.
Autoritetet i mohojnë këto akuza, duke fajësuar rebelët si ndërmarrës të sulmit.
Top Channel
