Kosovë, shtyhet afati i regjistrimit të votuesve
10/09/2013 00:00
E rëndë në Kosovë/ Sherr për divorcin, 31-vjeçari qëllon me armë ish-vjehrrin 26/04 14:58
Komisioni Qendror i Zgjedhjeve në Kosovë shtyu për shtatë ditë afatin e regjistrimit për votuesit jashtë vendit. Kjo u bë me kërkesë të Ministrisë së Diasporës pikërisht në ditën kur ka përfunduar ky afat.
Duke zgjatur afatin e regjistrimit të votuesve jashtë vendit, KQZ-ja shkurton periudhën e konfirmimit të listës së votuesve, thane zyrtarë të këtij institucioni.
Anëtari i Lëvizjes Vetëvendosje, Adnan Rustemi ishte kundër shtyrjes së afatit për regjistrimin e votuesve jashtë vendit. Sipas tij kjo po bëhet ekskluzivisht për regjistrimin e serbëve jashtë vendit dhe për të rritur numrin e tyre. Në shenjë proteste ai edhe kësaj here u largua nga mbledhja duke shtuar se do të jetë i vëmendshëm për sa i përket aplikacioneve të cilat do t’i sjellë OSBE-ja nga Serbia.
Edhe kryeministri i Serbisë Ivica Daçiç paraditen e së martës ka bërë një deklaratë ku ka kërkuar që të shtyhet afati për regjistrimin e votuesve serbë të cilët jetojnë jashtë Kosovës.
Top Channel
