Shpërblehet regjisori rus
04/09/2013 23:55
Vrasja e 14 vjeçares, Turqia do të ekstradojë të dyshuarin kryesor për ngjarjen makabër që tronditi Maqedoninë e Veriut 30/04 18:14
Nikita Mihalkov, regjisor i famshëm rus, është shpërblyer nga serbët e Zubin Potokut me 6 hektarë tokë, për shkak të mbrojtjes së serbëve të Kosovës.
Lajmin e ka bërë të ditur agjencia shtetërore e lajmeve “Tanjug”, e cila citon zyrtarët e komunës në veri të Kosovës.
Toka i është ndarë për të ndërtuar një fshat filmi, të ngjashëm më atë që regjisori serb Emir Kosturica ka ndërtuar në Serbi.
Mihalkov është një nga regjisorët më të famshëm rus, i cili është i përfshirë në politikën ruse dhe njihet si nacionalist.
“Kosova nuk është vetëm pjesë e një territori, por zemra e ortodoksizmit”, kishte thënë ai në Beograd në vitin 2006, kur ishte takuar me kryeministrin e atëhershëm, Vojisllav Koshtunica.
Shpesh duke bërë thirrje për mbrojtjen e Kosovës, edhe në arsyetimin zyrtar të Zubin Potokut thuhet se “arsyeja e ndarjes së tokës është pasi Nikita Mihalkov, prej dekadash, jo vetëm me fjalë por edhe me vepra, ka treguar dashuri ndaj serbëve dhe Serbisë”.
Top Channel
