Kosovë, Limaj lihet i lirë
03/09/2013 00:00
Ankesat për zgjedhjet në Kosovë, PDK dhe Lista Serbe kërkojnë rishqyrtim të rezultatit të zgjedhjeve 29/06 19:55
Skema e ngjyrave
Madhësia e shkrimit
Fatmir Limaj është liruar nga arresti shtëpiak dhe do të presë në gjendje të lirë vendimin e gjykatës mbi rastin “Kleçka” më 17 shtator.
Ky ishte vendimi i dhënë nga Gjykata e Apelit të martën në Prishtinë. Sipas këtij vendimi, Fatmir Limaj mund të lërë tashmë banesën e tij ku vuante një vendim të mëparshëm me arrest shtëpiak.
Lajmi konfirmohet edhe nga avokati i Fatmir Limajt, Tomë Gashi. Avokati Gashi foli gjithashtu edhe për pritshmëritë mbi vendimin e 17 shtatorit. Ai është shprehur i bindur se do të arrihet tek lirimi i Limajt dhe ish-bashkëpunëtorëve të tij, pasi gjatë gjithë procesit nuk është vërtetuar e kundërta.
“Ne kemi pasur një rigjykim, epilogu i të cilit në bazë të ligjit dhe drejtësisë është ditur që nga dita e parë”, ka thënë më tej Gashi.
Në seancën e një dite më parë u mbyll proçedimi i provave të reja në procesin “Kleçka”, duke i konsideruar të lexuara raportet e ekspertëve ndërkombëtarë rreth gjendjes psikike të dëshmitarit Agim Zogaj, i njohur si dëshmitari “X”.
Top Channel
