Kongresi i ndarë për luftën

Senatori republikan John McCain, një prej zerave të fortë kundër rregjimit të Bashar Al Assad-it e mbështet plotesisht, por kërkon më shumë; nje plan të detajuar për ta çliruar vendin nga Bashar Al Assad.

“Çfarë senatori Graham dhe unë po kërkojmë është një strategji dhe një plan për ta rrëzuar rregjimin e Bashar Al Asad, pa vendosur asnjë cizme ushtari ne terren. Mund dhe duhet të realizohet. E vetmja mënyrë për të parandaluar Bashar al Assad-in për të përdorur armë kimike duhet të jetë largimi i tij nga pushteti”, tha McCain.

Ligjvenesja demokrate Xhenis Hahn tha se ka ende pikepyetje te shumta.“A është kjo arsye për të hapur luftë? – pyeti ajo.- Cilat janë objektivat e luftës? Cfarë autoriteti po i japim presidentit në këtë rast”. Sipas saj, Shtetet e Bashkuara nuk duhet te veprojne te vetem.

“Ku është komuniteti ndërkombëtar nëse sulmi me armë kimike është një akt aq revoltues apo nese eshtë i urryer për të gjithë?” tha Hahn.

Ligjvënësi republikan Scott Rigell vlerësoi vendimin e Presidentit për të kërkuar miratimin e Kongresit, por tha se do të votojë kundër autorizimit. Kishte edhe të tjerë, si ligjvënësja demokrate Sendy Levin, e cila mbështet ndërhyrjen ushtarake kundër Sirisë. Te shtunen, presidenti Barak Obama tha se nuk ka nevoje për miratimin e Kongresit, por mendon te vlefshem mbeshtetjen e tij.  Te dielen, sekretari amerikan i Shtetit, John Kerri tha se administrata ka fakte per perdorimin e gazit sarin nga Damasku.    

Top Channel