Zyrtare dhe rekord, Bale te Real
01/09/2013 21:00
Problemet nuk kanë fund për Real Madridin, ylli francez dëmtohet dhe do të mungojë për tre javë 28/11 14:29
Gareth Bale është zyrtarisht lojtar i Real Madrid, pasi gjigantët spanjollë pranuan marrëveshjen me Tottenham.
24-vjeçari do të kryejë vizitat mjekësore përpara se të prezantohet në “Bernabeu”. Sa i përket kontratës mes Bale dhe Real, bëhet fjalë për 6 vjet dhe një pagë prej 8,5 milionë paundë në vit.
Me këtë transferim thyhet edhe rekordi botëror për transferimin e lojtarëve, tashmë shifrat janë 85 milionë paund (100 milionë euro), pavarësisht se nga Spanja flasin për shifra diku te 78 milionë paund, diçka më pak se ç’paguan “Los Blancos” për Cristiano Ronaldo-n në 2009-n.
Bale ishte lënë në pankinë nga Andre Villas Boas këtë sezon, pasi kishte bërë të ditur synimin e tij për t’u bashkuar me Realin dhe, pas javësh të tëra negociatash, gjigantët spanjollë konfirmojnë blerjen e tij edhe përmes uebsajtit të tyre.
Ai do të prezantohet në “Bernabeu” më 13:00 të ditës së hënë, përpara se merkato verore e këtij viti të mbyllet më 23:00.
Top Channel
