Jemen, kryeministri i mbijeton një atentati
01/09/2013 13:55
Rusia kryen sulm masiv ndaj sektorit të energjisë të Ukrainës 28/11 09:04
Kryeministri i Jemenit, Mohammed Salem Basindva i mbijetoi një atentati të realizuar ndaj tij këtë të dielë në kryeqytetin e vendit, Sana’a.
Disa persona të armatosur, mbi motoçikleta, hapën zjarr me breshëri mbi automjetin e kryeministrit ndërsa ai rikthehej prej pune në shtëpi, bëri me dije një prej këshilltarëve të Basindvës, cituar nga “Agence France Presse”.
Megjithatë, kryeministri 78-vjeçar shpëtoi i paprekur.
Kjo është hera e parë që Basindva vendosen në qendër të sulmeve, por disa ministra kanë përjetuar atentate në të shkuarën.
Aktualisht, qeveria është duke luftuar me militantët e Al-Kaedës dhe lëvizjet separatiste, tepër të fuqishme në disa rajone të Jemenit, shteti më i varfër në Lindjen e Mesme.
Më parë gjatë gushtit, Shtetet e Bashkuara të Amerikës dhe disa shtete të Europës Perëndimore mbyllën ambasadat e tyre në Jemen, pas të dhënave të shërbimeve sekrete mbi mundësinë e goditjes së selive diplomatike në Sana’a.
Top Channel
