Pas protestave të njëpasnjëshme të tifozëve bardheblu para Bashkisë së Tiranës duket se gjërat po ndryshojnë për mirë në klubin kryeqytetas.
Burime të sigurta pranë këtij klubi pohojnë për Top-Channel se 3 biznesmenët, Ndriçim Babasi, Refik Halili dhe Lul Morina kanë rënë dakord të sponsorizojnë 24 herë kampionët e Shqipërisë për të kaluar sa më shpejt këtë krizë financiare.
Qëllimi kryesor i tyre është zhvillimi i një merkatoje të shpejtë dhe konsolidimi i skuadrës së Tiranës për sezonin e ri që do të nisë këtë fundjavë me kampionatin kombëtar.
Ende nuk dihet se si do të jetë forma ligjore e këtij kalimi dhe do të jetë Këshilli Bashkiak i cili do të vendosë për të ardhmen e klubit të Tiranës.
Po të njejtat burime kanë pohuar se biznesmeni Nuri nuk do të jetë pjesë e grupit të 3 biznesmenëve të cilët do të sponsorizojnë skuadrën e Tiranës për sezonin e ri.
Top Channel
