Me fitoren e arritur në Çmimin e Madh të Belgjikës, Sebastian Vettel shkëputet në krye të renditjes me 46 pikë nga ndjekësi më i afërt, Fernando Alonso dhe 58 të tjera prej vendit të tretë, Leëis Hamilton.
Megjithatë, në një intervistë të publikuar të hënën në portalin e specializuar të garave “Autosport”, Hamilton siguroi se vazhdon të besojë tek mundësia e fitimit të titullit që në këtë sezon.
“Pa dyshim, do të jetë shumë shumë e vështirë, por unë kam ende shanset e mia. Vettel ka pasur në përdorim një makinë fenomenale për shumë kohë dhe është gjithashtu tepër i shpejtë. Ai bën punën e tij dhe ka gjetur kombinimin perfekt me makinën”, deklaroi Hamilton.
“Megjithatë, edhe ne kemi bërë disa gara vërtet të mira. Jemi vazhdimisht të parët në provat zyrtare dhe në disa raste kemi mundur Red Bullat në garë. Mendoj se diferenca në garë është gjithmonë e më e vogël dhe me ende shumë pikë në lojë, e me shpresë që do të vazhdojmë të përmirësohemi, gjithçka mund të ndodhë”, shtoi britaniku, kampion i botës në vitin 2008.
Top Channel
