Disa qindra ekstremistë të së djathtës marshuan në Republikën Çeke kundër romëve, duke kërkuar përzënien e tyre nga vendi.
Në disa vende, këto turma neonazistësh dhe ekstremistësh nacionalistë goditën me gurë policinë, e cila iu përgjigj duke i shpërndarë me gaz lotsjellës, ndërsa u realizuan të paktën 75 arrestime.
”Amnesty International” ka shprehur shqetësimin e saj të thellë më parë gjatë muajit, për këto marshime me sfond urrejtjen racore, ndërsa i kanë bërë thirrje autoriteteve çeke që të marrin masa për mbrojtjen e romëve.
Ashtu si pothuajse kudo në vendet e Ballkanit dhe Europës Qëndrore, romët janë një prej komuniteteve më të varfëra dhe të diskriminuara.
Më parë gjatë muajit, ishte Sllovakia ajo që tërhoqi kritika të shumta nga ana e Bashkimit Europian, pasi në qytetin e dytë më të madh të vendit, Kosiçe, nisi ngritja e një muri për të izoluar vendbanimet e komunitetit rom, nga ana tjetër e qytetit.
Pas reagimit të Brukselit, autoritetet vendase pranuan që të heqin këtë mur.
Përplasjet e së shtunës u regjistruan kryesisht në qytetet e Ostravës, Pilzenit dhe Ceske Bugjejovicës.
Popullsia rome në Republikën Çeke besohet se arrin në nivelin e 250-300 mijë anëtarëve.
Top Channel
