Skandali, lojtarët e Hertha-s, seks me minorenen
24/08/2013 04:45
Studimi që po habiti botën! Njerëzit që flasin me veten janë më të suksesshëm? 12/11 18:00
Vetëm pak vite pas “bizneseve” të Zahia Dehar dhe marrëdhënieve seksuale me Ribery, të tjerë futbollistë të Bundesligës bien në lupën e skandaleve seksuale.
Në syrin e ciklonit këtë herë kanë përfunduar lojtarët e Hertha Berlin, që, të akuzuar nga një vajzë e moshës 16-vjeçare në tabloidin BZ, besohen të kenë pasur raporte seksuale të përsëritshme me minorenen.
“Më vjen turp – deklaron vajza, – por jam habitur, sepse ata nuk kanë pasur probleme me ndërgjegjen”.
16-vjeçarja, bijë e një tregtari të pasur të kryeqytetit gjerman, ka pranuar se u kishte deklaruar se ishte 19 vjeç, gjatë takimit të parë me lojtarë të ndryshëm.
Gjithçka nisi më 25 prillin e kaluar, gjatë festimeve të Hertha Berlin-it për rikthimin në Bundesligë.
Një lojtar i jep një autograf dhe përbri i shkruan numrin e celularit, që rezulton i vërtetë. Më pas nisin shkëmbimet e mesazheve SMS, gjithnjë e më pikante, deri sa përfunduan në kërkesën për marrëdhënie seksuale.
Lojtari i Hertha-s ia kaloi më pas numrin shokëve të skuadrës, që e kontaktuan atë edhe në këmbim të parave.
“Më vjen turp, – thotë vajza për tabloidin gjerman BZ, – por, mbi të gjitha më vjen habi, se si asnjëri prej tyre nuk kishte probleme me ndërgjegjen. Kjo, pasi të gjithë ishin të fejuar ose të martuar”.
Top Channel
