Uji me arsenik në Kinë
23/08/2013 00:00
Studimi që po habiti botën! Njerëzit që flasin me veten janë më të suksesshëm? 12/11 18:00
20 milionë vetë në Kinë rrezikojnë ekspozimin ndaj ujit të ndotur me arsenik. Për të dalë në një përfundim të tillë, autorët e studimit të publikuar në revistën “Shkenca” përdorën të dhënat mbi gjeologjinë e vendit, duke arritur kësisoj të parashikojnë cilat janë zonat me gjasat më të mëdha të prekjes nga helmi.
Në koren e tokës ka normalisht arsenik, por kur ai mbërrin tek ujërat nëntokësore, atëherë ekspozimi për një kohë të gjatë mund të shkaktojë probleme serioze të shëndetit si kancer të lëkurës e mushkërive dhe probleme me fshikëzën e urinës apo veshkat.
Deri tani, përcaktimi i një shkalle të qartë të kontaminimit me arsenik në vendet e mëdha ka qenë i vështirë. Kina besohet të ketë më shumë se 10 milionë puse, uji i të cilave duhet t’i nënshtrohet analizave për praninë e ndonjë përbërësi toksik. Një proces i tillë mund të zgjasë me dekada të tëra.
Studimi pretendon se 19,6 milionë njerëz në Kinë mund të jenë ekspozuar ndaj nivelesh të rrezikshme toksinash në ujin e pijshëm, ku përfshihen edhe banorë të disa zonave që deri vonë nuk konsideroheshin të rrezikuara.
Top Channel
