SHBA, flakët pushtojnë Josemitin
23/08/2013 00:00
SHBA, tre të vdekur dhe tetë të plagosur nga të shtënat me armë në Nju Jork 17/08 16:08
Zjarret vazhdojnë të përpijnë me mijëra hektarë pyje e shkurre pranë parkut të famshëm të Josemitit në Shtetet e Bashkuara, ku flakët kanë dalë jashtë kontrollit.
1800 zjarrfikës janë në terren, por pavarësisht përpjekjeve të mëdha, deri tani nuk kanë mundur të frenojnë veçse 1% të zjarrit që kërcënon 2500 shtëpi të zonës.
Flakë të tilla nuk ishin parë në rajon prej gati tre dekadash. Një pjesë e mirë e kontesë së Toulomne-it është mbuluar nga tymi dhe banorët ankohen për probleme të frymëmarrjes, fyt të tharë dhe sytë që i djegin prej tij.
Parku Kombëtar i Josemitit në Kaliforni është krijuar në vitin 1890 falë punës së palodhur të natyralistit Xhon Mjur. Pamja e tij mbresëlënëse tërheq çdo vit katër milionë vizitorë.
Top Channel
