Problemet muskulare të Leo Messit
22/08/2013 00:00
Kupa e Botës për Klube/ Chelsea e nis me fitore aventurën në SHBA, mund me dy gola skuadrën e Giroud 16/06 23:04
Leo Messi e ka nisur sezonin aktual njësoj siç përfundoi atë të kaluarin: me probleme muskulare.
Që kur u dëmtua më 2 prill ndaj PSG-së në çerekfinalet e Champions, argjentinasi i Barcelonës ka luajtur vetëm një ndeshje të plotë në 5 muajt e fundit. Kjo ndeshje ishte humbja 4-0 që katalanasit pësuan në “Allianz Arena” ndaj Bayern Munchen.
Edhe në ndeshjet me Argjentinën ndaj Kolumbisë, Ekuadorit dhe Guatemalës, Messi nuk ka luajtur 90 minutat e plota.
Mbrëmjen e së mërkurës, në takimin e Superkupës së Spanjës ndaj Atletico Madrid, numri 10 i katalanasve luajti vetëm 45 minutat e para pasi ndjeu shqetësime në kofshën e majtë.
FC Barcelona bëri të ditur se bëhet fjalë vetëm për një goditje dhe se Messi u zëvendësua për të shmangur dëmtimin, por fakti që nga 27 takimet e fundit ka luajtur vetëm 1, bën të mendosh se problemi është më serioz.
Top Channel
