“The Guardian”, kontakte me qeverinë Cameron

Kryeministri David Cameron urdhëroi shërbyesin më të lartë civil, zotin Jeremy Heywood, të kontaktojë me gazetën. Lajmi bëhet i ditur pasi “The Guardian” publikoi detaje mbi programet sekrete të survejimit amerikan dhe britanik.

Redaktori Alan Rusbridger tha se, nga presioni, ishte detyruar më pas të shkatërronte hard-disqet e kompjuterit, ku kishte ruajtur informacionet. Rusbridger tha se bisedimet e tij me qeverinë ishin kryer me “një zyrtar të lartë, që pretendonte se përfaqësonte pikëpamjet e kryeministrit”.

Por, ai nuk deklaroi me saktësi se për çfarë kishin biseduar.

“The Independent” dhe “Daily Mail” raportojnë tashmë se Sekretari i kabinetit, Jeremy Heywood, ka pasur kontakte me “The Guardian”. Korrespondenti i BBC për politikën, Chris Mason, tha se këto raporte ishin të sakta.

Burime nga qeveria britanike theksoi se do të kishte qenë një “mungesë e përgjithshme e përgjegjësisë së tyre”, nëse nuk do të kishin biseduar me “The Guardian”.

Qeveria e Cameron i frikësohej faktit, nëse të dhënat sekrete të disponuara nga gazeta do të binin në ato, që ata i quajnë “duar të gabuara”, e më pas do të përbënin një kërcënim për Britaninë.

Biseda mes përfaqësuesit të qeverisë dhe “The Guardian” u krye me miratimin e Cameron, zëvendës/kryeministrit Nick Clegg dhe Sekretarit të Jashtëm, William Hague.

Pas bisedimeve, Rusbridger pranoi atë që, ai vet e quajti “një nga incidentet më “të çuditshme” në historinë e gazetës.

Dy ekspertë të GCHQ, agjencia e shërbimeve sekrete britanike, mbikqyrën shkatërrimin mbi bazën e dokumenteve kompjuterike, që përbanin informacine të Agjencisë Kombëtare të Sigurisë (NSA), të publikuara nga Snowden.

Rusbridger tha: “Ishim mjaft të qartë se nuk do t’ia dorëzonim këto materiale qeverisë britanike, kështu që i shkatërruam vet ato, me këshillën e dy ekspertëve të inteligjencës nga GCHQ, të cilët na thanë se çfarë pjesësh të hard-diskut duhej të shkatërronim dhe në ç’mënyrë”.

Megjithatë, dokumentet janë kopjuar dhe “The Guardian” do të vazhdojë të ndjekë historinë e Snowden, por këtë herë nga Shtetet e Bashkuara. Rusbridger besonte se dorëzimi i hard-disqeve te qeveria do të ishte një tradhëti e burimeve të gazetës.

Ish-kontraktori i NSA-së, Snowden, ndodhet tashmë në Rusi. I pyetur në lidhje me historinë e “The Independent”, një zëdhënës i “The Guardian” tha për BBC se “nuk dëshironte të komentonte mbi këtë temë”.

Top Channel