Një veprim i çastit i dhunshëm ka lënë një 23-vjeçar të vdekur, lojtar premtues i bejzbollit amerikan, një familje të shkatërruar dhe 2 vende të ndara në ekstremet e globit të tronditura.
Christopher Lane nga Australia është qëlluar për vdekje në Duncan të Oklahoma-s, teksa kishte dalë jashtë për të vrapuar, javën e kaluar. Motivi? Tre adoleshentë, që nuk kishin se ç’të bënin, sipas policisë.
“Ata thjesht ishin dëshmitarë të një djaloshi të ri, që po vraponte rrugës. E zgjodhën si objektiv çasti”, tha shefi i policisë, Danny Ford, për CNN. Tre adoleshentët janë akuzuar formalisht gjatë së martës.
James Edwards Jr., 15 vjeç, dhe Chancey Luna, 16 vjeç, u akuzuan si të rritur për vrasje të gradës së parë, sipas nëpunëses së gjykatës të shtetit Stephens, Kaylee Chandler.
Ndërkohë, Michael Jones, 17 vjeç, përballet me dy akuza: përdorimin e një mjeti ndihmës për armën dhe pajisjeve të tjera pas aktit të vrasjes, të shkallës së parë, tha nëpunësja.
Gjykata kishte vendosur një shpërblim prej 1 milion dollarësh për Jones, ndërkohë që për Edwards dhe Luna nuk ishte vendosur asnjë çmim, shtoi më tej ajo.
Kur adoleshentët u arrestuan nga policia, njëri prej tyre kishte dhënë si motiv për vrasjen e Lane “rastësinë”. Lane ndiqte studimet në Universitetin “East Central”, pasi kishte fituar bursë për bejzbollin.
“Ai tha se motivi i vrasjes ishte ‘kishim dalë për të vrarë dikë’ dhe kaq”, tha Ford për një stacion radiofonik australian, “3AW”. “Ata kishin vendosur të tre për të vrarë dikë”.
Top Channel
