Vetëm tre ditë pas lancimit të nismës së Kryeministrit të zgjedhur Edi
Rama për denoncimin e ndërtimeve pa leje nga vetë qytetarët, përmes
faqes së internetit stoprrenimit.com, një bum fotografish kanë mbushur
faqen e hapur posaçërisht për këtë çështje.
Nisma, qe duket se ka gjetur mbeshtetjen e plote te qytetareve, eshte kthyer edhe ne nje vend te shprehjes se indinjates per revanshin e ndertimeve ne te gjithe territorin e vendit. Vendin e pare te denoncimit te ndertimeve pa leje deri tani, ne faqen e internetit qe ndryshon minute pas minute per shkak te shkarkimit te fotove, e ze kryeqyteti.
Banoret e Tiranes kane derguar foto, veçanerisht te shtesave te kateve te fundit te pallateve, fenomen qe u be masiv gjate periudhes zgjedhore, ku kryeqyteti u shnderrua ne kantier ndertimi. Nder to nuk mungojne as denoncimet per shtesat e pallateve ne qender te Tiranes, apo edhe kjo foto qe tregon shtesen e bere mbi godinen e Prokurorise se Pergjithshme.
Ne pershkrimin qe iu kane bere fotove denoncuese ka madje qytetare qe kerkojne ndihme emergjente si ne kete rast, pasi shtesat sipas tyre iu kane plasaritur muret e shtepise duke iu rrezikuar jetesen aty. Qytetaret thone se e shohin kete nisme te nderrmarre si shpresen e fundit, pasi sipas tyre megjithe denoncimin ne Policine Bashkiake te Tiranes nuk ka asnje reagim.
Pas Tiranes, denoncimet e shumta te ndertimeve pa leje i perkasin bregdetit. Vlora, Golemi dhe Ksamili por edhe te tjera zona bregdetare ku eshte ndertuar pa asnje kriter, perbejne edhe denoncimet e shumta te qytetareve qe ankohen se asgje nuk ka mbetur nga vija bregdetare e dikurshme.
Perpos ndertimeve pa leje qe eshte edhe qellimi i nismes se nderrmarre nga partia fituese e zgjedhjeve, qytetaret denoncojne edhe ndertime me leje, qe ne disa raste sipas tyre kane zene hapesira publike, dikur ish-lulishte, te kthyera tani ne pallate shumekateshe dhe qe sipas tyre kane tejkaluar me kate edhe lejet e ndertimit. Keto denoncime i perkasin vecanerisht qyteteve te medha ne vend.
Bie ne sy te denoncimeve te qytetareve shpejtesia me te cilen u ndertuan shtesat kur te gjitha institucionet shteterore ishin te angazhuara me zgjedhjet, si ne kete rast ku qytetari shkruan se kjo shtese eshte ngritur per 24 ore. Ndersa PS tregohet e vendosur qe qeverisjen e ketyre kater viteve ta nise me dhenien fund te asaj qe konsiderohet pa frike baterdia urbane, duke prishur te gjitha ndertimet pa leje, duket se ne aksionin e pare te rendesishem ka gjetur mbeshtetjen e plote te qytetareve, sipas te cileve denoncimet e tyre pergjate viteve nuk jane degjuar nga askush.
Prishet ndërtimi tek Sanatoriumi
Inspektoriati Ndërtimor i Bashkisë së Tiranës ka prishur një tjetër objekt pa leje në zonën e Sanatoriumit në Tiranë
Vetem pak dite pasi qytetaret kane nisur te denoncojne me foto ne website-n e Partise Socialsite Stoprrenimit .com, shtesat e kateve dhe cdo ndertim tjeter ne kryeqytet ,kryeinspektori Florenc Hoxha tha se denoncime te tilla ka edhe ne portaline e bashkise se Tiranes.
Por Inspektoriati i ndertimit, sipas Hoxhes eshte duke i evidentuar ato dhe nuk do te toleroje asnje prej tyre. Sipas Hoxhes jane duke u verifikuar edhe ato ndertime te cilat kane nisur procedurat per legalizim prane ALUIZNI-t.
Top Channel
