Iran, refuzohen ministrat reformatorë
16/08/2013 17:05
Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Parlamenti i Iranit, i mbizotëruar nga konservatorët dhe radikalët
muslimanë, nuk pranoi tre nga 18 emërimet e kabinetit të prezantuar prej
presidentit Hassan Rouhani.
Tre ministrat e rrëzuar prej parlamentit ishin ai i sportit, edukimit dhe shkencës, të cilët i përkisnin kampit të reformatorëve.
Ata u kritikuan gjithashtu për faktin se ishin arsimuar në perëndim.
Ministri i Edukimit, Mohammed Ali Najafi dhe ai i shkencës, Jafar Milimonfared ishin akuzuar më parë edhe për pjesëmarrje në revoltat e vitit 2009, të adresuara kundër presidentit të atëhershëm në pushtet, Mahmoud Ahmadinejad.
Refuzimi i Parlamentit është prova e parë e pengesave të vështira që pritet të përballet Rouhani, në dëshirën e tij për të nxjerrë nga izolimi dhe reformuar vendin e tij.
Top Channel
