Afganistan, rrëmbehet deputetja në Ghazni

Policia njoftoi se Fariba Ahmadi Kakar u rrëmbye nga njerëz të armatosur, ndërkohë që udhëtonte në provincën qendrore të Ghazni-t, së bashku me 3 vajzat e saj. Kjo është hera e parë, që një deputete rrëmbehet nga kryengritësit.

Policia shtoi se pengmarrësit kanë kërkuar lirimin e 4 të burgosurve talebanë, në këmbim të zonjës Kakar. Fëmijët e saj u liruan më vonë, pas një operacionit ku u përfshinë forcat e NATO-s dhe inteligjenca afgane, por ajo besohet të mbahet në një vendndodhje tjetër.

Rrëmbimi shënon një moment historik në sulmet e dhunshme kundër grave në Afganistan.

Ndërkohë që trupat ushtarake të NATO-s po përgatiten për të lënë vendin në fund të vitit të ardhshëm, ka ende shqetësime reale se disa liri të kufizuara të fituara nga gratë afgane po ekspozohen.

Pikërisht muajin e kaluar, kryepolicja femër  në provincën jugore të Helmand-it u qëllua për vdekje, gjatë rrugës për në punë.

Ndërsa javën e kaluar, senatorja afgane Rooh Gul dhe i shoqi i mbijetuan një sulmi në Ghazni, por vajza e tyre mbeti e vdekur.

Top Channel