Nigeri, 44 viktima në një xhami
12/08/2013 22:30
Si arriti të fitonte ‘influencuesi i Tiktok’? Rumania hetime për ndërhyrje nga jashtë në zgjedhje 28/11 07:38
Të paktën 44 besimtarë janë qëlluar për vdekje në një xhami në veri-lindje të Nigerisë, sipas raportimeve të fundit.
Ngjarja ndodhi gjatë lutjes së mëngjesit të së dielës, edhe pse lajmi është bërë i ditur të hënën.
Sulmi ka ndodhur në Konduga të shtetit të Borno-s, 35 km nga kryeqyteti i këtij shteti, Maiduguri.
Ende nuk është e qartë se kush është përgjegjësi i këtyre vrasjeve, por grupi islamik Boko Haram ka vrarë me mijëra vetë në Nigerinë veriore, që prej 2009-s.
“Daily Post” e Nigerisë raportoi se 26 persona të tjerë janë dërguar në spitale për shkak të plagëve të marra në Maiduguri.
Një anëtar i grupeve civile tha për Associated Press se 4 prej viktimave, pjesëtarë të tyre, u vranë në momentin kur po i përgjigjeshin thirrjeve për ndihmë.
Nigeria deklaroi gjendjen e emergjencës në 3 shtete veri-lindore në maj, teksa nisi të luftonte kundër militantëve islamik.
Boko Haram kërkon të rrëzojë qeverinë nigeriane dhe të krijojë shtetin islamik në veri.
Top Channel
