Gjyqtarja: Askush s’duhet të mbajë emrin “Messiah”
12/08/2013 00:00
Shpërthim i ri pranë Dubait, turistët kalojnë natën e dytë të bllokuar në kroçere 02/03 11:02
Një gjykatëse në Tennessee të SHBA-ve ka vendosur që emri i një foshnje
të ndryshojë nga “Messiah” (Mesi apo Profet) në Martin duke e arsyetuar
vendimin se Mesia i vetëm i vërtetë është Jezu Krishti.
Reuters, duke e cituar një raportim televiziv lokal, ka thënë se nëna e foshnjës është shprehur se ajo do e apelojë vendimin.
Prindërit e Messiah DeShawn Martin, për shkak se nuk pajtoheshin për emrin e foshnjes, kanë dalë para gjyqtares për pëkrahje të fëmijve, Lu Ann Ballew, e cila në fund vendosi heqjen nga përdorimi të emrit “Messiah”.
“Fjala ‘Mesi’ është një titull që është merituar nga vetëm një person, dhe ai person është Jezu Krishti”, është shprehur Ballew për një televizion lokal.
Pjesë e arsyetimit të gjykatëses është edhe se fëmija jeton në një qark të Tennessee ku shumica janë kristianë dhe se emri do i shkaktonte probleme atij.
Ndërsa e ëma e foshnjës është shprehur: “nuk mendoj që një gjykatëse mund ta ndryshojë emrin e foshnjes sime për shkak të besimit të saj fetar”.
Top Channel
