Bajrami i Madh në Kosovë
08/08/2013 00:00
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Qindra besimtarë myslimanë të Kosovës, pas 30 ditë agjërimi këtë të enjte kanë falur Namazin e Bajramit të Madh në Xhaminë e Madhe në Prishtinë.
Për madhështinë e kësaj feste islame, besimtarëve iu drejtua Myftiu i Kosovës, Naim Tërnava.
“Ju ftoj që të dominojë bashkimi, vëllazërimi, harmonia, solidariteti dhe bashkimi i ndërsjellë sepse vetëm kështu jeta do të ketë kuptimin e saj”, tha ndër të tjera ai.
Pas ceremonise fetare, Myftiu Tërnava priti delegacione të ndryshme politike dhe të fushave të tjera në selinë e Bashkësisë Islame të Kosovës. Ndër ata që përcollën urimin në këtë seli ishin edhe Kryeministri i Kosovës, Hashim Thaçi, Kryeparlamentari Jakup Krasniqi, zëvendëskryeministra e ministra të qeverisë së Kosovës, përfaqësues të partive politike si dhe kryeipeshkvi i Ipeshkëvisë së Kosovës, Don Dodë Gjergji. Ndërsa Presidenca u përfaqësua nga një delegacion pasi Presidentja Jahjaga ndodhet jashtë vendit.
Bajrami i Madh për besimtaret myslimanë është ditë e festimeve dhe falënderimeve ndaj Zotit. Dita e Fiter Bajramit shënon përfundimin e agjërimit të muajit të shenjtë të Ramazanit.
Top Channel
