Serbia, e para në tregtinë me Kosovën
05/08/2013 20:00
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Muaji qershor i vitit 2013 nuk sjell ndonjë risi për sa i përket statistikave të tregtisë së jashtme të Kosovës me vendet e tjera.
Serbia kryeson listën e shteteve të cilat importojnë më së shumti mallra në Kosovë me 11.4% e pasuar nga Italia, Gjermania, Turqia, Kroacia, Maqedonia dhe Kina.
Ndërsa Shqipëria nuk figuron fare në mesin e shteteve të cilat importojnë në në vlera të larta mallra në Kosovë. Raporti ndryshon kur bëhet fjalë për eksportin.
Shqipëria zë vendin e dytë në mesin e shteteve ku kosova eksporton më së shumti mallra, pas Italise. Eksporti i mallrave kosovare drejt shqipërisë është 11.6 përqind.
Krahas raporteve të dobëta tregtare mes Kosovës dhe Shqipërisë, të dhënat nga tregtia e jashtme në kosovë tregojnë për një deficit tregtar më të lartë për muajin qershor 2013 prej 196,0 milionë euro krahasuar me deficitin prej 187,6 milionë euro me periudhën e njëjtë të vitit 2012.
Eksporti në muajin qershor 2013 kishte vlerën 26,3 milionë euro, ndërsa importi 222,4 milionë euro, çka do të thotë se është një rënie prej (-12.8%) për eksport, si dhe një rritje prej (2.0%) për import, krahasuar me periudhën e njëjtë të vitit 2012.
Top Channel
