Indi, dhjetëra fëmijë në luftë për jetën

Fëmijët u helmuan ndërsa hëngrën drekë në mencën e shkollës së tyre dhe aktualisht hetimet nuk kanë arritur të përcaktojnë ende nëse helmimi ushqimor ishte rastësor apo i qëllimshëm.

Ndërsa po hanin oriz dhe patate, një pjesë e fëmijëve nisën të villnin dhe shfaqën probleme në frymëmarrje.

Disa ndërruan jetë në mencë, ndërsa deri sa u bë e qartë që kishte një helmim, 22 kishin vdekur.

Një ngjarje që ka tronditur vendin, ajo në Indi rrezikon edhe të krijojë tensione të reja brenda shtetit të dytë më të populluar të botës (me 1,2 miliardë banorë).

”Kjo është prova se vetë shteti i konsideron qytetarët si të klasit të parë, të dytë apo të tretë. Në zonat jugore të vendit, fëmijëve u shërbehen ushqim i keq, i ndenjur dhe në këtë rast vdekjeprurëse. Kjo nuk ndodh në lagjet e pasura të kryeqytetit”, deklaroi për “CNN” Rhetika Khera, e Institutit të Teknologjisë në Nju Delhi.

Top Channel