Ndërron jetë aktori Cory Monteith
14/07/2013 09:15
Ekskluzive në “Flet”/ Laert Vasili: Jam i dashuruar me një prostitutë! 25/11 22:09
Këngëtari dhe aktori Cory Monteith ndërroi jetë në moshën 31-vjeçare, këtë të dielë në Kanada.
Burime policore bënë me dije se i riu, i njohur kryesisht për rolin e tij të Finn Hudson në serialin e suksesshëm “Glee”, u gjet i pajetë në dhomën e hotelit “Pacific Rim”, në Vankuver.
Aktualisht, jane ende të paqarta arsyet rreth vdekjes së aktorit me një karrierë premtuese, por është përjashtuar pista e vrasjes.
Monteith, për të cilin përflitej një lidhje me bashkëprotagonisten e serialit “Glee”, Lea Michelle, kishte kaluar mbrëmjen me miqtë e tij dhe ishte rikthyer në dhomën e hotelit i vetëm.
Dyshohet se abuzimi me ndonjë substancë narkotike apo me alkoolin të kenë luajtur rol në vdekjen e tij të parakohshme, ndërsa 31-vjeçari nuk njihet për probleme të mundshme me depresionin.
Top Channel
