Masa sigurie për mitingun përmbyllës elektoral të socialistëve për
kryeqytetin, i planifikuar të zhvillohet pasditen e sotme në sheshin
“Nënë Tereza”.
Nëpërmjet një njoftimi për shtyp, policia e kryeqytetit ka sqaruar se do të bllokohen disa segmente rrugore gjatë intervalit kohor 16.00 – 21.00, me qëllim zhvillimin e qetë të mitingut.
“Kështu, do të merren masat për bllokimin e segmenteve rrugore dhe nuk do të lejohet parkimi i mjeteve duke filluar nga ora 16.00’ deri më 21.00 të ditës së sotme, në këto segmente rrugore: Kryqëzimi i rrugës ‘Ismail Qemali’ deri në Bulevardin ‘Dëshmorët e Kombit’; nga ‘Hotel Sheraton përgjatë Sheshit ‘Nënë Tereza’, nga rruga ‘Frederik Shiroka’ drejt sheshit ‘Nënë Tereza'”, thuhet në njoftim. Policia e Tiranës thekson se do të marrë masa për mbarëvajtjen e këtij aktiviteti duke siguruar rendin dhe garantimin e zhvillimit normal të tij.
Top Channel
