Snowden: Obama po zgjeron “abuzimet”

Në një chat-im 90-minutësh të drejtpërdrejtë, personi, i identifikuar si Snowden nga gazeta britanike “The Guardian” dhe uebsajti i saj, këmbënguli se autoritetet amerikane kanë akses në telefonata, emaile dhe komunikime të tjera përtej kufijve kushtetues.

Ndërkohë që kufizimet ligjore mund të shmangen me lehtësi nga analistët e Agjencisë Kombëtare të Sigurisë, FBI apo CIA, Snowden u ndal vetëm pak kohë në akuzimin e autoriteteve për shkeljen e ligjeve specifike. Në vend të kësaj, ai tha se rregulloret dhe politikat “pa dhëmbë” duhej të fajësoheshin, për atë që ai e quajti si “survejim i dyshimtë”, si dhe paralajmëroi se politikat mund të ndryshohen për të lejuar abuzime të mëtejshme.

“Ky zbulim i ofron Obama-s një mundësi për të apeluar për një rikthim në një mendje të shëndoshë, politikë kushtetuese dhe zbatimin e ligjit, se sa te njeriu”, postoi ai. “Ai ka ende shumë kohë për t’u futur në histori si presidenti, që pa nga humnera dhe bëri prapa, në vend që të hidhej në të”.

I pyetur të hënën, nëse NSA ishte në ndjekje të chat-it online, zyra e shtypit të agjencisë nuk dha komente. Obama, krerët e legjislativit dhe zyrtarë të Sigurisë Kombëtare mbrojtën programet e survejimit si të domosdoshme për të luftuar terrorizmin, duke argumentuar se diçka nga privatësia duhet të sakrifikohet për një qasje sa më të balancuar.

Ata thanë se ligji lejon mbledhjen e të dhënave, si koha dhe numrat e telefonatave, dhe se një Gjykatë speciale Federale mund të aprovojë aksesimin e përmbajtjes, duke e dëgjuar edhe vet përmbajtjen nën hetim.

Top Channel