Rezultati i zgjedhjeve në Iran

Pjesëmarrja në zgjedhje ishte 72.2%. Ajatollahu Ali Kamenei do të ratifikojë votën më 3 gusht. Presidenti i ri do të betohet më pas në Parlament.

Në debatet televizive ai ka folur për çështje tabu siç ishin: sanksionet shkatërruese të Perëndimit për programin bërthamor, gjendjen e tmerrshme ekonomike dhe izolimin ekstrem të Iranit në bashkësinë ndërkombëtare.

Ai u zotua të rivendoste marrëdheniet me “armikun e vjetër të Iranit”, SHBA, që u ndërprenë në vitin 1979 pasi studentët islamikë mësynë ambasadën amerikane në Teheran.

Ruhani ka kritikuar hapur presidentin Mahmud Ahmadinejad, duke thënë se deklaratat e tij të pastudiuara i kanë kushtuar shumë vendit. Proçesi i votimit u zgjat të premten me pesë orë, deri në orën 23.00 me orën lokale, nga radhët e gjata.

Megjithëse të gjashtë kandidatët konsiderohen si konservatorë, analistët thonë se Ruhani, kleriku 64-vjeçar, kohët e fundit mori mbështetjen e reformatorëve.

Përkrahja për të u shtua pasi Mohamad Reza Aref, kandidati i vetëm reformist, u tërhoq nga gara të martën me këshillin e ish-presidentit pro-reformave Mohamad Katami.

Ruhani shkoi në zgjedhje me pëkrahjen e dy ish-presidentëve, Katamit dhe Akbar Hashemi Rafsanxhani, i cili u përjashtua nga gara prej Keshillit Mbrojtjës. Të paktën 50 milionë iranianë votuan për të zgjedhur pasuesin e presidentit Mahmud Ahmadinejad.

Tetë vitet e tij në krye të Iranit u karakterizuan nga vështirësitë ekonomike dhe sanksionet e Perëndimit për programin aq të debatueshëm bërthamor.

Top Channel