Itali, dënohen abuzuesit e trazirave në Xhenoa
15/06/2013 04:00
Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Gjykata Supreme e Italisë ka mbështetur afatet e burgimit për 7 policë dhe doktorë, për brutalitete ndaj protestuesve në Samitin e G8-s, të mbajtur në Xhenoa më 2001-shin.
Vendimet, që variojnë nga 1 deri në 4 vjet, kanë të bëjnë me abuzimet ndaj më shumë se 250 njerëzve të arrestuar nga policia pranë kazermave në Bolzaneto.
Arrestimet erdhën si pasojë e përplasjeve mes protestuesve anti-globalistë dhe policisë para dhe gjatë Samitit. Por, të gjithë ata që u mbajtën në Bolzaneto, rezultuan më pas të pafajshëm. Ata u lëshuan pa asnjë akuzë të ngritur ndaj tyre.
Në një incident tjetër gjatë samitit, protestuesi 23-vjeçar Carlo Giuliani u qëllua për vdekje nga një polic.
Vendimi i së premtes erdhi si pasojë e shqetësimeve që solli një bastisje e policisë në një shkollë, ku protestuesit po flinin, e për pasojë arrestimin e tyre në kazermat e Bolzaneto-s.
Gjykata konfirmoi vendimet e dhëna për policët dhe doktorët e burgut në 2010-n.
Top Channel
