Pagesat në Hollivud

Sipas ‘Hollywood Reporter’, aktoret që kanë superuar katër dekadat e para të jetës janë më të paguarat. Një kundratendencë me politikën e përgjithshme rinore gjatë vitit 2012 në zemrën e industrisë kinematografike botërore.

Në krye të listës është 63-vjeçarja Meryl Streep, me një pagesë rreth gjashtë milionë dollarë për film. E kemi parë të interpretojë “Zonjën e hekurt” dhe mesa duket e tillë rezulton edhe vetë ajo. E aftë, e dashur dhe e respektuar për publikun e me fitime marramendëse, duke u rezistuar kohërave dhe bukurosheve të reja të ekranit të madh.

Në vend të dytë, me nivel fitimesh të barabarta, dy protagonistet e “The Help”: 47-vjeçarja Viola Davis dhe 43-vjeçarja Octavia Spencer.

Më pas Robin Wright, 47 vjeç, për publikun shqiptar e njohur fillimisht si Kelly tek seriali Santa Barbara. Sandra Bullock, 48 vite në shpinë dhe ende seksi e sigurisht e super paguar.

Melissa McCarthy, 42, aktorja e ‘Identity Theft’, e cila u bë e famshme pas të dyzetave, një rast i jashtëzakonshëm ky.
Në listën e femrave më të paguara, emra të tjerë të njohur si Halle Berry (46), Gwyneth Paltrow (40), Naomi Watts (44) dhe Julia Roberts (45).

Top Channel