Lojërat Mesdhetare “Mersin 2013”
14/06/2013 00:00
Juventusi në “hall” për repartin ofensiv, bardhezinjtë nisin kontaktet me sulmuesin e Italisë 20/03 09:32
Presidenti i Republikës, Bujar Nishani, i dorëzoi sot flamurin kombëtar ekipit shqiptar që do të përfaqësojë vendin tonë në Lojërat e 17-ta Mesdhetare “Mersin 2013”, në një ceremoni të veçantë nëPresidencë.
Këto lojëra do të zhvillohen në 20-30 qershor në Turqi. Presidenti Nishani, duke u uruar sportistëve suksese dhe medalje në Lojërat Mesdhetare, theksoi se ky aktivitet është një moment shumë i rëndësishëm për përfaqësimin dinjitoz të Shqipërisë.
Flamurin kombëtar e mori në dorëzim sportistja Anxhela Kashari, e cila në emër të delegacionit shqiptar në Lojërat e 17-ta Mesdhetare premtoi se do të japin maksimumin për të përfaqësuar sa më denjësisht kombin.
Në ceremoninë e dorëzimit të flamurit kombëtar morën pjesë edhe drejtues të Komitetit Olimpik Kombëtar Shqiptar, përfaqësues të MTKRS-së si dhe drejtues të federatave sportive në vend.
Në Lojërat Mesdhetare “Mersin 2013” Shqipëria do të përfaqësohet me 75 sportistë të ndarë në 14 disiplina sportive.
Top Channel
